The Archaeology Graduate Seminar Series continues and our next guest
lecturer will be Michèle Hayeur Smith, research associate at the
Haffenreffer Museum of Anthropology, Brown University, USA.
She will give a talk titled:

“Spin me a Yarn, Weave Me a Tale: Textiles, Women and Cloth in Iceland, AD
874-1800″

Location: Room G 301 in Gimli (on University Campus), Sæmundargötu 10
Time: February 2nd, 5:30 – 6:30 pm

Hér er hægt að nálgast skýrslur sem tengjast íslenskum textíl rannsóknum. Í framtíðinni verða fleiri skýrslur aðgengilegar um leið og rannsóknum lýkur.

Research Reports of the Circumpolar Laboratory

Kæru félagsmenn

Vegna ófærðar neyðumst við til að aflýsa fyrirlestrunum sem áttu að
vera í kvöld.

Þess í stað munu þær Ragnheiður og Margrét flytja fyrirlestra sína á
sama tíma eftir viku, þ.e. FIMMTUDAGINN 2. FEBRÚAR KLUKKAN 20.00.

Bestu kveðjur
Elín

Kæru félagsmenn,

Fimmtudaginn 26. janúar hefst ný fyrirlestraröð FÍF og FFÍ 2012 sem að
þessu sinni ber yfirskriftina:

Úr gnægtabúri úthaganna: sel og jaðarbyggð í íslenskri fornleifafræði

Á næstu vikum munu 11 fræðimenn flytja fjölbreytileg erindi sem öll
eiga það sameiginlegt að fjalla um nýlegar rannsóknir á seljum eða á
býlum í úthögum – eða skilin þar á milli. Tveir til þrír fræðimenn
flytja fyrirlestra hvert kvöld og á eftir verða umræður og spurningar.
Fyrirlestrarnir verða á miðvikudags- og fimmtudagskvöldum og hefjast
klukkan 20.00. Þeir verða haldnir í kjallara húsnæðis Fornleifaverndar
ríkisins að Suðurgötu 39. Við hvetjum félagsmenn til að fjölmenna!

Fimmtudagurinn 26. janúar
Margrét Hallmundsdóttir – Hvað var kotið í Koti?: Hugleiðingar um
notkun á íveruhúsi í landi Kots á Rangárvöllum
Ragnheiður Traustadóttir – Seljabúskapur í Urriðakoti

Fimmtudagurinn 9. febrúar
Albína Hulda Pálsdóttir – Hvað segir vettvangsskráning okkur um seljarústir?
Ásta Hermannsdóttir og Sindri Ellertsson Csillag – Seljabúskapur á
norðanverðu Snæfellsnesi

Miðvikudagurinn 22. febrúar
Guðrún Sveinbjarnadóttir – Seljalönd Reykholts
Egill Erlendsson – Seljalönd Reykholts

Miðvikudagur 28. mars:
Bjarni F. Einarsson – Vogur í Höfnum: Landnámsbýli eða veiðistöð?
Kristján Mímisson – Efnismenning jaðarbyggða

Miðvikudagurinn 25. apríl
Stefán Ólafsson – Býli eða sel?: Um rústaþyrpingar í Kelduhverfi
Orri Vésteinsson – Sagan um Selkollu: Hættur úthagans í íslenskri fornleifafræði
Lokaumræða

Doktorsnemarnir Janis Mitchell og Nikola Trbojevic hafa skipulagt fyrirlestraröð sem haldin verður aðra hverja viku í vetur. Fyrsti fyrirlesturinn verður haldinn þann 19. janúar næstkomandi. Hér fyrir neðan má sjá frekari upplýsingar um fyrirlestraröðina.

Archaeology Graduate Seminar Series:

The newly established Graduate Research Seminar is organised by post-graduates from the Department of Archaeology to discuss a wide array of different topics and promote new research in Icelandic archaeology. Selected topics will be debated bi-weekly through lectures, case studies and question & answer sessions. Anyone interested is welcome and encouraged to attend the seminar. A detailed programme of the seminar will be available soon.

Location: Room G 301 in Gimli (on University Campus), Sæmundargötu 10
Time: bi-weekly on Thursdays, 5:30 – 6:30 pm
Organised by: Janis Mitchell (jkm3@hi.is) and Nikola Trbojević (nit2@hi.is)

Programme: (full schedule forthcoming)

January 19th 2012:
Adolf Friðriksson – ‘The quest for Vinland: Kristján Eldjárn’s curious voyage to the West’

Podcast: Download (Duration: 1:47:44 — 24.7MB)

Meistarafyrirlestur í landfræði

Gildi loftmynda í fornleifarannsóknum 15. desember klukkan 15:00, Oddi, stofa 101

Lilja Laufey Davíðsdóttir (BA í fornleifafræði)  flytur fyrirlestur um verkefni sitt til meistaraprófs í landfræði. Fyrirlesturinn ber heitið Gildi loftmynda í fornleifarannsóknum. Rannsóknir sýna að innrauðar litloftmyndir hafa yfirburði yfir aðrar gerðir loftmynda. Þrátt fyrir það hafa þær lítið verið notaðar í fornleifarannsóknum og gildi þeirra nánast ekkert verið kannað. Markmið rannsóknarinnar var að skoða möguleika innrauðra mynda fyrir fornleifarannsóknir og til samanburðar voru notaðar venjulegar litloftmyndir. Niðurstöður sýndu að ekki aðeins voru innrauðar litloftmyndir betri til að koma auga á fornminjar, hvort sem um er að ræða minjar sem áður hafa fundist á vettvangi, þær sem ekki hafa verið staðsettar eða alls óþekktar minjar, heldur nýttust þær einnig til þess að túlka hlutverk fornminja og til að skoða breytingar á búsetumynstri. Leiðbeinendur: Guðrún Gísladóttir prófessor og Ragnheiður Traustadóttir aðjúnkt og stjórnandi Hólarannsóknarinnar. Prófdómari/fulltrúi deildar: Ingibjörg Jónsdóttir dósent

Fornleifavernd ríkisins boðar hér með til fundar föstudaginn 6. janúar 2012, kl. 13.00 og verður umræðuefnið endurgerð, viðhald og varðveisla fornleifa. Frummælandi verður Kristín Huld Sigurðardóttir forstöðumaður Fornleifaverndar ríkisins.
Þeir sem hafa áhuga á að sækja fundinn eru vinsamlegast beðnir um að tilkynna sig á netfangið fornleifavernd@fornleifavernd.is. Stefnt er að því að halda fundinn hér í kjallaranum að Suðurgötu 39 í Reykjavík. Reynist þátttakan fjölmennari en fundarherbergið í kjallarnum ræður við, munum við flytja okkur um set og tilkynna nýjan fundarstað með góðum fyrirvara.
Vonumst eftir að sjá sem flesta,

Kristín Huld Sigurðardóttir PhD, MPA
Forstöðumaður Fornleifaverndar ríkisins/General Director – The Archaeological Heritage Agency of Iceland
kristinhuld@fornleifavernd.is
Suðurgata 39, 101 Reykjavík
Sími: 5556630 bréfsími:5556631
Heimasíða: www.fornleifavernd.is

Ályktun aðalfundar Félags íslenskra fornleifafræðinga, 1. desember 2011:

 Fornleifafræðingar mótmæla vægðarlausum niðurskurði

Á aðalfundi Félags íslenskra fornleifafræðinga var samþykkt að skora á Alþingi að auka  fjárveitingar til fornleifarannsókna á Íslandi. Samkvæmt drögum að fjárlögum stefnir í um 35% niðurskurð til fagsins í ár og er það fjórða niðurskurðarárið í röð. Var það einróma álit fundar að slíkur niðurskurður yrði afar þungbær og að hann yrði enn gríðarleg blóðtaka fyrir stétt fornleifafræðinga sem þegar stendur á brauðfótum vegna mikils samdráttar á undanförnum árum.

Á síðustu árum hefur orðið stórkostleg breyting á aðstæðum fornleifafræðinga. Á tímabilinu 1990-2005 var hægur en stöðugur vöxtur í greininni. Hann m.a. rekja til nýrrar löggjafar um umhverfis- og skipulagsmál, stofnunar Fornleifaverndar ríkisins, upphafs kennslu í fornleifafræði við Háskóla Íslands og áhrifa Kristnihátíðarsjóðs. Á þessum tíma breyttist hlutverk fornleifafræðinga frá því að vera aðallega bundið við einstakar fornleifarannsóknir yfir í að verða alhliða rannsókna- og ráðgjafarstarf. Fornleifafræðingar sinna verkefnum á borð við umhverfismat, skipulagsgerð og björgunarrannsóknir vegna framkvæmda og umhverfisáhrifa. Einnig mætti nefna fræðslu og kynningarmál í þágu almennings, ferðaþjónustunnar og nemenda á öllum skólastigum sem og þátttöku í alþjóðlegum verkefnum. Verði fjárlögin samþykkt óbreytt kippa þau fótum undan því uppbyggingarstarfi sem unnið hefur verið innan fagsins á undanförnum tveimur áratugum. 

Mikill samdráttur hefur verið innan fornleifafræðinnar á undanförnum árum, einkum á sviði framkvæmdatengdra rannsókna og hefur atvinnuleysi meðal fornleifafræðinga stóraukist í kjölfarið. Sér ekki fyrir endann á þeirri þróun og hefur hún leitt til mikils atgervisflótta úr stéttinni.

Í ár eiga sér stað nokkrar breytingar á fjárlögum. Ekki er lengur úthlutað til sérverkefna, s.s.  á sviði fornleifarannsókna eins og nokkur fyrri ár. Þess er stað er gert ráð fyrir að úthlutun til þeirra fari í gegnum viðkomandi fagsjóði og ráðuneyti. Fornleifasjóður er í dag eini sjóðurinn sem eingöngu hefur það hlutverk að styrkja verkefni á sviði fornleifafræði. Þrátt fyrir hið viðamikla hlutverk sem honum er ætlað hefur hann langtum minna ráðstöfunarfé en sambærilegir sjóðir, s.s. Safnasjóður og Húsafriðunarsjóður. Samkvæmt breytingatillögu við frumvarp til fjárlaga fyrir árið 2012, er lagt til að framlög til þessara sjóða verði eftirfarandi:

Safnasjóður: 125,8 milljónir 

Húsafriðunarsjóður: 94,3 milljónir

Fornleifasjóður: 32,9 milljónir.[1]

Árið 2011 voru samanlögð framlög Alþingis til fornleifarannsókna 49,1 milljón.[2] Framlögin verða 35% lægri í ár samkvæmt fyrirliggjandi tölum. Félag íslenskra fornleifafræðinga mótmælir harðlega þessum mikla niðurskurði á rannsóknarfé enda eru öflugar grunnrannsóknir í fornleifafræði afar mikilvægar fyrir metnaðarfullt safnastarf, menningartengda ferðaþjónustu og sögu- og sjálfsvitund þjóðarinnar.

Fyrir hönd Félags íslenskra fornleifafræðinga,

Elín Ósk Hreiðarsdóttir

Stefán Ólafsson

Margrét Hrönn Hallmundsdóttir